Ўзбекистон Республикаси Давлат активларини бошқариш агентлиги томонидан баҳоловчиларнинг малака имтиҳонларини 2022 йил I ярим йиллик давомида ташкил этиш бўйича режа жадвал тасдиқланганлиги маълум қилинади.

Мазкур режа жадвалга асосан малака имтиҳонлари қуйидаги кунларда ўтказилиши режалаштирилганлиги маълум қилинади.

 

Баҳоловчиларнинг малака имтиҳонларини ўтказиш кунлари

 

2022 йил 2-3 февраль

2022 йил 15-16 март

2022 йил 11-12 май

2022 йил 14-15 июнь

 

Эслатма: Баҳоловчилар малака имтиҳонига кирувчи талабгорлар хужжатларни Ўзбекистон Республикаси Вазирлар Маҳкамасининг 2020 йил 23 декабрдаги 805-сон қарори билан тасдиқланган Регламент талаблари асосида, Давлат хизматлари маркази ёки Ягона интерактив давлат хизматлари портали орқали тақдим этишлари мумкин.

Талабгорларга хужжатлар тўпламини имтиҳон бўладиган кундан 10 кун олдин тақдим этишлари сўралади.

Малака имтиҳонига қўйилган талабгорлар рўйхати қўшимча равишда мазкур (davbaho.uz) расмий веб-сайтда мавжуд имтиҳон санасидан 5 кун олдин жойлаштирилади.

Малака имтиҳонига рўйхат бўйича маълум бир кунда имтиҳонга кириши белгиланган шахслар, ушбу белгиланган кунда имтиҳонга келишлари шарт. Бошқа кунги имтиҳонга келган шахслар ўз белгиланган кунда келмагани учун имтиҳонда қатнашмайди ва келмаган деб ҳисобланади.

Имтиҳон топшириш учун келган талабгорлар фуқаролик паспорти, идентификация ID-картаси ёки шахсини тасдиқловчи бошқа ҳужжатнинг аслини тақдим этган ҳолад киритилади.

Паспорт ёки унинг шахсини тасдиқловчи бошқа ҳужжатга эга бўлмаган ёхуд малака имтиҳонига кечиккан талабгорлар келмаган ҳисобланади.

Малака имтиҳони компьютерда топшириладиган тест синовлари орқали талабгорнинг танловига кўра ўзбек ёки рус тилида ўтказилади.

Малака имтиҳонининг шаффофлиги ва холислигини таъминлаш мақсадида малака имтиҳонини ўтказиш жараёни узлуксиз равишда видеоёзувга (овозли) туширилади ва тўғридан тўғри Агентликнинг расмий (davbaho.uz) веб сайтида намойиш этилади.

Малака имтиҳонлари Ўзбекистон Республикаси Давлат активларини бошқариш агентлигининг ҳудудий бошқармалари биносида (махсус тест хонасида) ўтказилади.

Коронавирусга қарши курашиш Республика Махсус комиссиясининг карантин чораларини кучайтириш бўйича қўшимча қарори қабул қилинса малака имтиҳонлари бошқа кунга қолдирилиши мумкинлиги маълум қилинади.

Малака имтиҳон кунлари бошқа кунга кўчирилганда Агентликнинг расмий веб сайтида камида 15 кун олдин эълон берилади.

Маълумот учун телефонлар: (+998 71) 259-22-87, 259-20-19